Hondakinen Kudeaketa
Gure hondakinak ahal bezainbat bereizi, lurperatzen diren etxe-hondakinen bolumena murrizteko
Egun guzietako hondakinak
2023/01/01az geroztik, plastiko malguak, gainestalkiak eta estalki metaliko ttipiak bereizten dira. Beraz, ez dira gehiago etxe-hondakinekin bota behar, baina bereizketa selektibora.
Bereizketa aginduak xeheki : Bereizketa aginduakes.
2023ko agorrilaren 1az geroztik, Amenduze-Unasoko herriak 5 bilketa gune baditu. Bilketa gune bakoitzean egun guzietako hondakin hauek bota daitezke: etxe-hondakinak, bereizketa selektiboa, berinakiak.
Berinaki edukiontzi bat bada herriko gelaren ondoan.
Etxe-hondakinak
Etxe-hondakinen edukiontziak 50 litro zikin har ditzake eta irekidura kontrolatua badu, erran nahi baita ezagugailua behar dela etxe-hondakin zakuak botatzeko.
Etxe/aktibitate bakoitzak bi ezagugailu ukan ditu. Hartu ez diren ezagugailuak Herriko Etxean daude. Ezagugailuak kitorik uzten dira. Galduko edo andeatuko den ezagugailu oro 5 € fakturatuko da (Euskal Elkargoko zerbitzuekin sar harremanetan).
Ezagugailuaren bidez herriko eta auzo herrietako edukiontzi guziak ireki daitezke. Halere, edukiontziak manera orekatuan bete daitezen, erabiltzaileei galdegina zaie beren etxetik hurbilen dagoen bilketa gunea erabiltzea.
Ezagugailu sistemari esker bilketa zerbitzuek edukiontzien betetze maila segi dezakete denbora errealean eta bilketa turnadak optimiza ditzakete. Horrela, edukiontziak ez dira gainezka beteko.
Etxe bakoitzak lur zergetan ageri den Etxe-Hondakinen Biltze-Zerga (EHBZ) ordaintzen segitzen du. Alde horretarik, ez da deus aldatzen.
Hondakindegia
Beste hondakin guziak, hala nola hondakin handiak (kartoiak barne) edo toxikoak, hondakindegira eraman behar dira (kitorik dira partikularrentzat eta pagatuz profesionalentzat, eskaeren arabera).
Onartuak diren hondakinak : Kartoiak, hondakin berdeak, egurra, metalak, obra-hondakinak, hondakin trabagarriak, altzariak, ehunak, tresna elektrikoak eta elektronikoak, lanpak eta neon argiak, pilak eta bateriak, tinta kargak, Hondakin Zehaztugabe Bereziak, erradiografiak, artak emateko erabili hondakin arriskutsuak, autoko olioa, sukaldeko olioa, errota kautxuak eta berrerabilpenak.
Tenoreak :
Astelehenetan: 14:00-18:00
Asteazken, ortzirale eta larunbatetan: 9:00-12:00 eta 14:00-18:00
Hetsia astearte eta ostegunetan
Zer egin beste zikinekin?
Ehunak : ehun guziak birziklatzen dira.
Hurbilena den ehun-edukiontzia atzeman -> Borondatezko ekarpen gunea
Konposta : hondakin organikoak botatzeko.
Apartamendu batean bizi zara, etxe batean, baratzearekin edo gabe? Aterabideak badira.
Konpostagailu baten ukaiteko -> Konpostagailua galdatzeko inprimakia
Hondar trabagarriak, tresna elektrikoak, orotariko puskak :
Oraino egoera onean baldin badira, birziklategian bizi berria ukan dezakete! Bestela, hondakindegira eraman behar dira.
